Յոկտեմբերի 1-էն Հայաստանի բոլոր հաստատութիւններու աշխատակիցները պէտք է ունենան պատուաստման վկայագիր, կամ PCR թեստի արդիւնք: Իրաւաբանները կը կարծեն, որ այս հրամանը կը խախտէ մարդու շարք մը հիմնական իրաւունքներ: Առողջապահութեան նախարարութիւնն այս մասին այլ կարծիք ունի:

Հայաստանի մէջ այս նոր կանոնը տագնապ առաջացուցած է։ Երկրի բնակչութեան աշխատունակ մասը, ըստ էութեան, հարկադրուած է պատուաստման կամ ամսական երկու անգամ PCR թեստ յանձնելու։

Այնուհետեւ, Հայաստանի մէջ կան դէպքեր, երբ պատուաստուած անձը վարակուեր է COVID-19-ով: Մասնագէտն այդ հաստատած է ՝ հաւելելով, սակայն, որ պատուաստուած մարդկանց մոտ վարակի հաւանականութիւնը շատ աւելի փոքր է:

Փորձագէտներն իրաւացիօրէն կը նշեն, որ առողջապահութեան նախարարի հրամանը ոչ միայն չի համապատասխանիր Սահմանադրութեան, այլ կը հակասէ աշխատանքային օրէնսդրութեան:

Ընդդիմադիր պատգամաւորները կը ցանկանան Սահմանադրական դատարանին մէջ վիճարկել նախարարի հրամանը:

Ըստ Առողջապահութեան նախարարութեան՝ պատուաստումը առանցքային դեր ունի հիւանդութեան կանխարգելման գործին, հետեւաբար այն անվճար է: