«Ատրպէյճանի նախագահի վերջին յայտարարութիւնները կը  նեղացնեն մեզ», – Սեպտեմբերի 29-ին Թեհրանի մէջ կայացած ճեպազրոյցի ժամանակ յայտարարած է Իրանի ԱԳՆ պաշտօնական ներկայացուցիչ Սաեդ Խաթիբզադեն՝ մեկնաբանելով Իլհամ Ալիեւի վերջին յայտարարութիւնները։

Anadolu գործակալութեան տուած հարցազրոյցի ժամանակ Ալիեւը քննադատած էր Իրանի կողմէ Ատրպէյճանի սահմաններու երկայնքով լայնածաւալ զօրավարժութիւններու անցկացման փաստը։

«Այն ձեւը, ինչպէս Ատրպէյճանի նախագահը արտայայտեց իր տեսակէտը, անակնկալ էր, քանի որ երկու երկիրներու միջեւ առկայ են բարիդրացիական, փոխադարձ յարգանքի վրայ հիմնուած յարաբերութիւններ, առկայ են նաև ամենաբարձր մակարդակի կապ պահպանելու հնարաւորութիւններ», – յայտարարած է Իրանի ԱԳՆ պաշտօնական ներկայացուցիչը։