ՄԱԿ-ի գլխաւոր քարտուղար Անթոնիօ Գուտերեշը յայտարարած է, որ աշխարհի մէջ միջուկային զէնքի կիրառման սպառնալիքի մակարդակը հասած է վերջին 40 տարուայ առաւելագոյն ցուցանիշին:

Այս մասին Գուտերեշն ըսած է ՄԱԿ-ի Գլխաւոր ասամբլեայի նիստի ժամանակ՝ նուիրուած ապամիջուկայնացման համար պայքարի միջազգային օրուան։

Անոր խօսքով՝ չնայած որ աշխարհի մէջ միջուկային զէնքի քանակն ընդհանուր առմամբ նուազեր է, սպառազինութիւններու նոր մրցավազքի տագնապալի նշաններ կը տեսնեն:

«Յոյսի նշաններ կան։ Ռուսաստանի Դաշնութեան եւ Միացեալ Նահանգներու որոշումը՝ երկարաձգել Ռազմավարական յարձակողական սպառազինութիւններու կրճատման մասին պայմանագիրը եւ ռազմավարական երկխօսութիւն սկսիլը, դրական քայլ է։ Այդպիսին է նաեւ Յունուարին միջուկային զէնքի արգիլման մասին պայմանագիրի ուժի մէջ մտնելը”, – յայտարարած է Գուտերեշը։

ՄԱԿ-ի գլխաւոր քարտուղարը կոչ ուղած է հրաժարուելու անվերջ միջուկային մրցումներէն: