Հայաստանի Հանրապետութեան մէջ Իրանի դեսպանութիւնը ֆեյսպուքիան էջին մէջբերում կատարած է իրանական «Ջամ-է-ջամ» օրաթերթէն, որտեղ անդրադարձած է  Իլհամ Ալիեւի՝ Իրանի հասցէին հնչած մեղադրանքներուն: Արմենփրես-ը կը ներկայացնէ պատասխանն ամբողջութեամբ.

«Ի պատասխան թուրքական «Անատոլու» լրատուամիջոցին տուած հարցազրոյցի ընթացքին Ատրպէյճանի նախագահ Իլհամ Ալիեւի՝ Իրանի դէմ հնչեցուած մեղադրանքին՝ «Ի՞նչու 30 տարիներու ընթացքին, երբ Արցախի շրջակայ տարածքները հայերու տիրապետութեան տակ էին, Իրանի հիւսիսային շրջաններուն զօրավարժութիւններ չէին անցկացուիր», իրանական «Ջամ-է-ջամ» օրաթերթը յօդուած հրապարակած է, որմէ տեղադրուած է մի քանի մեջբերումներ․

Հայաստանը Պաքուի եւ Անկարայի նման Իրանի սահմաններու նկատմամբ սին երազանքներ չունի եւ նման պահուածք չէ ցուցաբերած,

Հայաստանը, ի տարբերութիւն Ատրպէյճանի, Իսրայելի դաշնակիցը չէ,

Հայաստանը Ատրպէյճանի Հանրապետութեան նման Ատրպատականի մէջ չէ ստեղծած վարձկան-անջատողականներու ցանց,

Հայաստանը նպատակ չունի Իրանին առեւտրական ճանապարհներէն դուրս մղելու։

Ի դէպ, յօդուածագիրը նկատած է նաեւ, որ «Ատրպէյճանի նախագահի ոչ դիւանագիտական վարքը եւ Թուրքիայի լրատուամիջոցով Իրանին ուղերձ հղելը գաղութացուածութեան նշան է»։