Թուրքիայի նախագահ Ռեջեփ Թայիփ Էրդողանը եւ Ռուսաստանի նախագահ Վլատիմիր Փութինը հանդիպած են Ռուսաստանի Սոչի քաղաքին մէջ:

ՌԴ նախագահի պաշտօնական նստավայրին մէջ կայացած հանդիպումէն ետք երկու երկիրներու առաջնորդները մանրամասն յայտարարութիւններ չեն կատարած:

Հանդիպումէն ետք Փութինը մասնաւորապէս ըսած է. «Հանդիպումը շատ արդիւնավետ եւ կարեւոր էր»; իսկ Էրդողանը Twitter- ի իր էջին յայտարարած է․«Իմ գործընկեր Փութինի հետ արդիւնավետ հանդիպումէն ետք մենք հեռացանք Սոչիէն»:

Ռուսաստանի նախագահ Վլատիմիր Փութինը Ռեջեփ Թայիփ Էրդողանի հետ  հանդիպմանն , ըսած է.  «Յիշեցնենք, որ Արցախի հակամարտութեան գոտիին հրադադարի եւ բոլոր ռազմական գործողութիւններու վերահսկման ռուս-թուրքական համատեղ կենտրոնը կը գտնուի բռնագրաւուած Ակնա շրջանին մէջ (Աղտամ), գործնականը Արցախ-Ատրպէյճան շփման գիծին»:

Փաստօրէն  Փութինն ըսաւ, որ Արցախը Հայաստան է:

Յիշեցնենք, որ Սոչիի մէջ հանդիպումն տեղի ունեցաւ այն ժամանակ, երբ Սուրիայի Իտլիպ նահանգին մէջ աւելցած է լարուածութիւնն ու հակամարտութիւնները: Ռուսական եւ սուրիական ուժերը վերջին շաբաթներու ընթացքին օդային հարուածներ հասցուցած են Իտլիպի մէջ:

Հանդիպման ընթացքին երկու առաջնորդները քննարկած են Սուրիայի հարցը, Ռուսաստանի եւ Թուրքիայի փոխադարձ առեւտրային գործունէութիւնը, Թուրքիա-Ռուսաստան յարաբերութիւնները: