ԵՈՆԵՍԿՕ-ի համաշխարհային մշակութային ժառանգութեան ցանկին մէջ գտնուող Արեւմտեան Հայաստանի Արսլանթեփէ բլուրին մէջ կատարուած պեղումներու ընթացքին օրերս յայտնաբերուած են 24 դամբարան, 6 բնակելի տուներու մնացորդներ եւ կարասներու մէջ հուղարկաւորուած երկու երեխայի կմախք, որոնք ենթադրաբար կը պատկանին մ.թ.ա. 3600-3700 թուականներուն:

Մալաթիայի Պաթթալգազի շրջանին մէջ գտնուող Արսլանթեփէ բլուրին մէջ պեղումներն սկսած են Օգոստոսին: Արսլանթեփէ բլուրը՝ իր 5500-ամեայ տաճարով, յայտնաբերուած նիզակներով ու թուրերով լոյս կը սփռէ պատմութեան վրայ։ Պեղումներն կ՛իրականացնէ իտալացի դոց. Դոկտ. Ֆրանչեսկա Բալոսի Ռեստելիի ղեկավարած հնագէտներու խումբը։