Արցախեան պատերազմի ազատամարտիկ Ռազմիկ Մատարեանը՝ ով ԱՀՀ նախագահ Արմենակ Աբրահամեանի մարտական ընկերն է, արժանացաւ նախագահի կողմէ  պատւոյ մետալի։

Սուրիայի Հալեպ քաղաքին մէջ ծնած՝ արմատներով Մշեցի ազատամարտիկը պատմեց իր մարտական ուղիի մասին, որն անցած է Արմենակ Աբրահամեանի հետ՝ Արցախեան առաջին պատերազմի օրերուն Մարտակերտի, Քարվաճառի եւ այլ տարբեր վայրերու մէջ, որտեղ միասին մարտեր վարած են։

Իր խօսքին մէջ Մատարեանը մասնաւորապէս նշեց․ «Արցախեան շարժումը սկսելէ առաջ կար այլ շարժում,  բոլորը  կը ջանային եւ կը պայքարէին Արեւմտեան Հայաստանի համար, որու արդիւնքին ձեւաւորեցին եւ աշխատեցան հայոց գաղտնի բանակը, իսկ նպատակը միայն միացեալ Հայաստանն էր՝ Արեւմտեան Հայաստանի հետ միասին։ Արցախեան շարժումէն ետք փակուղիի առաջ կանգնեց Արեւմտեան Հայաստանի խնդիրը, այդ մասին չէին խօսեր,  չէին շեշտեր, առանցքային էր միայն Արցախը»։

Հպարտութեամբ նշեց, որ այժմ կայ ԱՀՀ նախագահ, կառավարութիւն, Ազգային Ժողով, ովքեր իրենց ամենօրեայ աշխատանքով եւս մէկ քայլով կը մոտենան գերագոյն նպատակին՝ ազատագրել Արեւմտեան Հայաստանը եւ ետ վերադարձնել իրական տերերուն՝ բնիկ հայերուն։ Շնորհակալութիւն յայտնելով նախագահ Արմենակ Աբրահամեանին Արեւմտեան Հայաստանին նոր շունչ եւ զարթօնք տալու համար, յաջողութիւն մաղթեց ապագայ ծրագիրներու իրագործման մէջ եւ պատրաստակամութիւն յայտնեց անձնուիրաբար ծառայել հայրենքին։