Ցանկացած կարգավիճակ Ատրպէյճանի կազմին մէջ անընդունելի է Արցախի համար: Այս մասին NEWS.am-ի հետ զրոյցի ժամանակ նշեց Արցախի ԱԳ նախարար Դաւիթ Պապաեանը՝ մեկնաբանելով Ատրպէյճանի նախագահի վերջին յայտարարութիւնը:

Ատրպէյճանի նախագահ Իլհամ Ալիեւը վերջերս յայտարարած է, որ Արցախի հայերը նախկին ժամանակ ձգտած էին անկախութեան, իսկ հիմա սկսած են խօսիլ Ատրպէյճանի կազմի ինքնավարութեան մասին, որն իր համար անընդունելի է։ Այս համաթեքստին մէջ կը փորձեն շրջանառութեան մէջ  դնել նաեւ Արցախի «հայ եւ ատրպէյճանական համայնքներու համագործակցութիւն» եւ «կապերու հաստատում» եզրոյթները։Ատրպէյճանի կազմին ցանկացած կարգավիճակ անընդունելի է Արցախի համար։ Սա Արցախի ամբողջ բնակչութեան հաւաքական կարծիքն է, որը եղած է, կայ եւ կը մնայ անփոփոխ։ Այս համաթեքստին մէջ հարկ կը համար ենք նաեւ նշել, որ մենք չենք ճանչնար  այսպէս կոչուած՝ «Ղարաբաղի ատրպէյճանական համայնք» եզրոյթը, որը ոչ այլ ինչ է, քան պաշտօնական    Պաքուի կողմէ ստեղծուած արհեստական կառոյց մը, որն կ՛օգտագործուի արցախեան պետականութեան կարգավիճակը խարխլելու նպատակով։ Արցախի Հանրապետութիւնը պատրաստ է բանակցելու Ատրպէյճանի հետ՝ հաւասարը հաւասարի հետ սկզբունքով եւ քննարկել բոլոր՝ նոյնիսկ ամենէ դժուար հարցերը եւ անոնց լուծման եղանակները։