Ատրպէյճանի սկսած 44-օրեայ պատերազմի աւարտէն ետք Արցախի տարածաշրջանին մէջ նոր իրավիճակ առաջացեր է: Սահմանի տարածքին Ատրպէյճանի զօրավարժութիւններու պատճառով Իրանը նոյնպէս որոշեց զօրք մտցնել սահման: Իրանական մամուլը լուրեր տարածած է այս մասին:

Իրանի իշխանութիւնները տարածաշրջանին մէջ սկսած է զօրացնել անվտանգութեան միջոցառումներն, անկէ ետք երբ Արցախի մէկ մասը 44-օրեայ պատերազմի աւարտին անցաւ Ատրպէյճանին:

Զօրավարժութիւններու վերաբերեալ Ալիեւը յայտարարութիւն կատարած է. «Նախ եւ առաջ, պէտք է ըսեմ, որ իւրաքանչիւր երկիր  իր տարածքին մէջ կարող է իրականացնել ցանկացած զօրավարժութիւն: Այդ ինքնիշխան իրաւունք է: Բայց, երբ մենք կը վերլուծենք որոշակի ժամանակահատուածի պարագային, կը տեսնենք, որ նման բան երբեք տեղի չէ ունեցած: Ի՞նչու հիմա եւ ի՞նչու մեր սահմանին: Այս հարցերը ես չեմ տար, այլ Ատրպէյճանի հասարակութիւնը»:

Թեհրանի վարչակազմը, որը «անակնկալ» կը որակէ Պաքուի կողմէ աճող քննադատութիւնը, յայտարարած է, որ մոտ օրերս նոր զօրավարժութիւններ պիտի սկսի ատրպէյճանական սահմանին: Սոցիալական ցանցերուն մէջ տարածուած են հրթիռներու առկայութեամբ տեսանիւթեր: