ՄԱԿ-ի Միջազգային դատարանը Յոկտեմբերի 14-19-ին լսումներ կ՛անցկացնէ Ատրպէյճանի դէմ Հայաստանի ներկայացուցած Ռասայական խտրականութեան բոլոր ձեւերու վերացման միջազգային կոնվենցիայի խախտման հայցի շրջանակներուն: 

Ինչպէս նշուած է հաղորդագրութեան մէջ, Յոկտեմբերի 14-15-ի լսումները կապուած են  Ատրպէյճանի դէմ ժամանակաւոր միջոցներ կիրառելու Հայաստանի պահանջի հետ:

Յիշեցնենք, որ Հայաստանը Սեպտեմբերի 16-ին ՄԱԿ-ի Միջազգային դատարան հայց ներկայացուցած է Պաքուի դէմ, որու միջոցով կը  պահանջէ անհապաղ միջոցներ ձեռնարկել՝ իր բնակիչներու իրաւունքները պաշտպանելու համար:

Նշենք նաեւ,  որ Ներկայացուցիչներու պալատն ընդունած է յայտարարութիւն՝ հայ գերիներուն եւ պատանդներուն անհապաղ ազատ արձակելու պահանջով, իսկ ԱՄՆ պաշտպանութեան նախարարը պարտաւոր է զեկոյց ներկայացնել «Արցախի մէջ Ատրպէյճանի ռազմական յանցագործութիւններու, ինչպէս նաեւ՝ արգիլուած զէնքի եւ թուրքական անօդաչու թռչող սարքերուն ամերիկեան տեխնոլոգիայի կիրառման մասին»: 2020 թուականի պատերազմի ընթացքին Ֆրանսիայի, Պելգիայի եւ եւրոպական այլ երկիրներու խորհրդարանները բանաձեւ ընդունած է՝ դատապարտելով Ատրպէյճանի եւ Թուրքիայի գործողութիւնները: