ԱՀ Ասկերանի շրջանի Լուսաձոր համայնքը 307 բնակիչ ունի: Այս մասին նշած է Լուսաձորի համայնքապէտ Միքայել Այվազեանը։

«Պատերազմէն ետք տեղահանուած 32 ընտանիք հաստատուած է գիւղին մէջ՝ 157 հոգիով:

Ազատ բնակֆոնդէն 5 տուն ունինք, որոնք եւս կարող ենք տրամադրել տեղահանուած մեր հայրենակիցներուն: Համայնքապետարանի շէնքը կը գտնուի վթարային վիճակի. ունինք բուժկէտ, հանդիսութիւններու սրահ՝ նախատեսուած 200 անձի համար: Դպրոցի շէնքը եւս վթարային է, որտեղ կը հաճախէ 42 աշակերտ: Գիւղի ճանապարհները վերանորոգման կարիք ունին:

Գիւղը գազաֆիկացուած է, ապահոված էլեկտրաէներգիայով, ջրամատակարարման խնդիր չունինք. ջրագիծը նոր կառուցուած է: Գիւղէն մայրաքաղաք փոխադրամիջոց չի գործեր, սակայն անհրաժեշտութիւնն այսօր աւելի զգալի է:

Գիւղին մէջ կը գտնուի Սուրբ Յովհաննէս եկեղեցին, որը 2018 թուականին վերանորոգած են արմատներով լուսաձորցի, լոսանջելեսաբնակ եղբայրները»,- տեղեկացուցած է համայնքապէտը։

Գիւղացիներու զբաղուածութեան հիմնական ուղղութիւններն են անասնապահութիւնն ու հողագործութիւնը: