Արեւմտեան Հայաստանի Կիլիկիայի Մերսին քաղաքին մէջ գտնուող 9000-ամեայ Եումուքթեփէ բլուրին մէջ շարունակուող հնագիտական ​​պեղումներու ընթացքին բազմաթիւ քաղաքակրթութիւններու հետքեր կ՛ուսումնասիրուին:

Մերսինի Եումուքթեփէ բլուրին մէջ յայտնաբերուած 4500 տարեկան գնահատուող կառոյցի ներսը գտնուած են բազմաթիւ խեցեգործական իրեր եւ սնունդի մնացորդներ, որոնք ոգեւորութիւն առաջացուցած են հնագետնէրու մոտ:

Տավրոսներ գաւառին մէջ գտնուող բլուրը կը յիշատակ է նաեւ «Քաղաքակրթութիւններու օրրան» անուանումով, քանի որ կը կրէ բազմաթիւ քաղաքակրթութիւններու հետքեր:

Պեղումներու ղեկավար իտալացի պրոֆ. Դոկտ. Իզապելլա Ջանեւան նշած է, որ բլուրը կարեւոր յուշումներ  տուած է քաղաքակրթութիւններու ապրելակերպի առումով եւ յայտարարած է, որ իրենք հասած են  մեծ աղիւսաշեն կառոյցի, որը կառուցուած է հողի վրայ:

Յայտնելով, որ իրենք գտած են նաեւ շէնքի դուռի հետքերը, Ջանեւանն ըսած է.«Մենք այստեղ ամբողջական պահպանուած մեծ  կարաս գտած ենք: Այն կը պատկանի միջին պրոնզէ դարաշրջանին: Կը կարծենք, որ այն թուագրուած է մ.թ.ա. 2500-2000 թուականներուն, սկսած այսօր հաշուած՝ 4500 տարի առաջուայ»: