GAP-ի (Հարաւ արեւելեան Անատոլիայի ծրագիր) շրջանակներուն Արեւմտեան Հայաստանի Ուրֆայ նահանգի Սուրուչ գաւառին մէջ կառուցուած ջրատարի պատճառով 20 հազար հեկտար գիւղատնտեսական հող հեղեղուած է: Տեղի բնակիչներու խօսքով՝ «Ջուրն աւելի շատ վնաս բերաւ, քան օգուտ»։ Անոնք կոչ կ՛ուղեն անհապաղ  միջոցներ ձեռնարկել։ 

Նախարարներու խորհուրդի 1989 թուականի Յոկտեմբերի 27-ի որոշումով իրականացուած Հարաւարեւելեան Անատոլիայի նախագիծը նպատակ ունենալով վերացնել շրջաններու միջեւ անհաւասարութիւնը, առաջացուց բազմաթիւ բացասական իրավիճակներ: Սուրուչի դաշտավայրը, որը գաւառի ամենաբերրի գիւղատնտեսական տարածքն է, ջուրի տակ անցած է ջրանցքներու պատճառով: Որոշ հեղեղուած տարածքներ վերածուեր են եղեգնուտի, ջուրի տակ անցած է նաեւ գերեզմաններ: Աճեցուող բամպակի, պիստակի եւ նռան ծառերը չորցած են: Տարածաշրջանի բնակիչներուն անհանգստացուցած է այն փաստը, որ անոր դէմ միջոցներ չի ձեռնարկուիր։

Այս խնդիրը առաջացած է ջրահեռացման խողովակներն չի բացուելու պատճառով: Սուրուչի դաշտը 40 տարի մնացեր է առանց ջուր, եւ երբ ջրանցք կառուցած են, գիւղացիները չեն կարողացած ճիշտ ոռոգել հողը եւ տեղի  ունեցեր է տարերայնօրէն ոռոգում: Ծրագիրն իրականացնող կապալառուները նախագիծը կատարած են ոչ լիարժէք եւ ոչ ճիշտ եւ չեն կազմած  ջրահեռացման համակարգ։

Տեղի բնակիչները կը պահանջեն հնարաւորինս շուտ կառուցել ջրահեռացման ուղիներ: