Պեղումներն կ՛իրականացնէ Հայաստանի Հանրապետութեան Գիտութեան Ազգային Ակադեմիայի Հնագիտութեան եւ ազգագրութեան ինստիտուտը:

Ըստ արշավախումբի ղեկավար Մ․ Զարդարեանի՝ յայտնաբերուած կառոյցը սիւնակապ է եւ կը հանդիսանայ պատմական Արտաշատ մայրաքաղաքի կառոյցներէն մէկը։ Յայտնաբերուած են 4 սիւնի խարիսխներ, իսկ մնացած սիւներու հետքերը դեռ հողի շերտի տակ է: Համաձայն արշավախումբի ուսումնասիրութիւններու՝ նշեալ կառոյցը ունի մի քանի մշակութային շերտեր, որոնք թուագրուած են հեթանոսութեան ժամանակաշրջանով՝ մ․թ․ա. 2-1 դդ. եւ մ․թ․ 1-2-րդ դդ․, իսկ ամբողջական ուսումնասիրութենէն ետք այն հնարաւոր կ՛ըլլայ թանգարանացնել՝ ստեղծելով Հայաստանի մէջ նախադէպ չունեցող զբօսաշրջային վայր։

Յիշեցնենք, որ պատմական Արտաշատ մայրաքաղաքը կառուցուեր է Արտաշես Ա-ի կողմէ Ք․ ա. 189-188 թթ․ 12 մեծ ու 1 փոքր բլուրի վրայ, որոնցմէ մէկի վրայ այժմ կը գտնուի  Խոր Վիրապ վանական համալիրը։ Տարբեր հնագիտական պեղումներու ընթացքին յայտնաբերուած են բաղնիքներու մնացորդներ, անոնց խճանկարները, մետաղադրամներ, տարբեր կառոյցներ, որոնց մէկ մասն ուսումնասիրուած է եւ թանգարանի մէջ տեղադրուած է, իսկ միւս մասը դեռեւս կ՛ուսումնասիրուի։