Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը Վատիկանի մէջ հանդիպած է Հռոմի Սրբազան Քահանայապէտ Ֆրանցիսկոս Պապի հետ։

Այս մասին յայտնած է Մայր Աթոռի դիմատետրի  պաշտօնական էջը:

Հանդիպման ընթացքին Վեհափառ Հայրապետն անդրադարձած է 44-օրեայ պատերազմի աղետալի հետեւանքներուն, Հայաստանի եւ Արցախի առջեւ ծառացած ներկայի մարտահրաւերներուն, յատկապէս շեշտադրելով ռազմագերիներու եւ հետպատերազմեան շրջանին գերութեան մէջ յայտնուածներու վերադարձի խնդիրը։ Զրոյցի ժամանակ մասնաւորապէս արծարծուեցին Արցախի ժողովուրդի անվտանգութեանը, Հայաստանի ինքնիշխան տարածքներու նկատմամբ ոտնձգութիւններուն, ինչպէս նաեւ Ատրպէյճանի վերահսկողութեան տակ անցած տարածքներուն մէջ հայկական հոգեւոր-մշակութային ժառանգութեան պահպանմանը վերաբերող հարցեր։ 

Նորին Սրբութիւնը շնորհակալութիւն յայտնեց Սրբազան Քահանայապէտին պատերազմի ընթացքին հայ ժողովուրդին եւ Հայաստանին ցուցաբերած աջակցութեան համար։

Հանդիպման աւարտին Հռոմի Քահանայապէտն իր օրհնութիւնն բաշխեց Ամենայն Հայոց Կաթողիկոսի պատուիրակութեան անդամներուն։

Leave a Reply