Մոսկուայի մէջ Ռուսաստանի եւ Իրանի  արտգործնախարարներու միջեւ տեղի ունեցած հանդիպման ընթացքին Ռուսաստանի արտգործնախարար Սերգեյ Լավրովը դիւանագիտօրէն խուսափեց ուղիղ պատասխանել Հարաւային Կովկասի մէջ վերջին զարգացումներուն, Իրանի կենսական շահերու դէմ որոշ ռեժիմներու գործողութիւններուն եւ Ատրպէյճանի զօրավարժութիւններու մասին իրանցի լրագրողի հարցին։

«Մենք դէմ ենք, որ տարածաշրջանին մէջ ըլլայ ռազմական ակտիվութիւն, որ զօրավարժութիւնները ունենան սադրիչ բնոյթ։ Ատրպէյճանը, իր մտահոգութիւնն կը յայտնէ իր սահմաններու մոտ իրանական զօրավարժութիւններու կապակցութեամբ», – ըսած է Լավրովը։

Իրանական կողմը, մինչդեռ, վերջին շրջանին տարբեր հարթակներէ մտահոգութիւն կը յայտնէ, որ «Զանգեզուրի միջանցքը», որու մասին շարունակ կը յայտարարեն Ատրպէյճանի եւ Թուրքիայի առաջնորդները, ոչ միայն Հայաստանը կը բաժնէ Իրանէն, այլեւ Իրանը՝ Եւրասիական տնտեսական միութեանը կապող միակ ցամացաքային սահմանէն։ Իրանի արտգործնախարար Հուսեյն Ամիր Աբտոլահիանը ռուս գործընկերոջ հետ համատեղ ասուլիսին կրկին ընդգծած է, որ Թեհրանը մտահոգութիւն ունի Հարաւային Կովկասի մէջ ընթացող զարգացումներուն շուրջ եւ անթոյլատրելի է համար «տարածաշրջանի քարտէսի փոփոխութիւնը»։