Ջաւախք աշխարհը հարուստ է ոչ միայն  գեղեցիկ բնութեամբ, այլեւ տարբեր սրբավայրերով եւ մատուռներով, որոնք մեծ ժողովրդականութիւն կը վայելեն։ Այդ վայրերէն է «Խաչո» սրբատեղին, որն կը գտնուի Մեծ Սամսար գիւղի մոտակայքին գտնուող համանուն կիրճին մէջ: Մեծ Սամսար գիւղը կը գտնուի Ախալքալաք քաղաքէն 29 կմ հեռաւորութեան վրայ, եւ անոր հասնելու համար հարկաւոր է յաղթահարել բաւականին բլուրոտ, օձագալար ճանապարհ: 

Սամսարի բնակիչները եւ այլ ականատէսներ կը պատմեն, որ «Խաչո» սրբավայրը ամոքիչ է: Այստեղ շատ ուխտաւորներ կ՛այցելեն, բայց հաճախ այստեղ կ՛այցելեն հղիանալ չկարողացող կանայք, ովքեր ուխտագնացութենէն ետք կը զգան մայրութեան բերկրանքը: Եղած են «հրաշք» հանդիսացող այլ դէպքեր եւս։

«Խաչո» սրբավայրը հետաքրքիր է որ, ըստ աւանդոթներու, ամեն 7 տարին անգամ մը այստեղ  կը սկսի գետնէն ջուր բխիլ: Ինչպէս կ՛ըսէ բնակիչներէն մէկը, 7 թիւը կարող է պայմանական ըլլայ: Հնարաւոր է, որ բնական պայմաններէն կախուած, ջուրը վեր բարձրանայ քանի մը տարին մէկ, սակայն ժողովուրդը դեռ կը  հաատայ, որ այդ տեղի  կ՛ունենայ 7 տարին մէկ: