Արցախի Հանրապետութեան տարածքին այժմ կը գործէ Մ. Մաշտոցի անուան հանրապետական, Յովհաննէս Թումանեանի անուան հանրապետական մանկական, Ստեփանակերտի Մուրացանի անուան քաղաքային , Մարտակերտի կենտրոնական, Մարտունի կենտրոնական եւ Ասկերանի կենտրոնական գրադարանները:

Այս մասին ըսած է Կրթութեան, գիտութեան, մշակոյթի եւ սպորտի նախարարութեան մամուլի քարտուղար Մերի Սարդարեանը: 

Անոր խօսքով․«Արցախի վերահսկողութենէն դուրս մնացած է Շուշիի կենտրոնական, Հադրութի կենտրոնական եւ Բերձորի քաղաքային գրադարանները, ինչպէս նաեւ դպրոցական 121 գրադարաններ՝ Ասկերանի, Մարտակերտի, Մարտունիի, Շուշիի, Հադրութի,  Քարվաճառի եւ Քաշաթաղի շրջաններուն։

Ընդհանուր առմամբ, Արցախի վերահսկողութենէն դուրս մնացած է 124 գրադարաններ՝ 617000 գրքային ֆոնդով: Պատերազմի հետեւանքով Ատրպէյճանի վերահսկողութեան տակ անցած գրադարաններուն մէջ կ՛աշխատէր 137 գրադարանավար։ Պատերազմէն ետք աշխատանքի  տեղաւորուած է ընդամենը 1 գրադարանավար»։