Հռոմի մէջ ՀՀ մարդու իրաւունքներու պաշտպան Արման Թաթոյեանն առանձին հանդիպած է աշխարհի տարբեր նշանաւոր լրատուամիջոցներու ներկայացուցիչներու հետ՝ ապացոյցներ ներկայացնելով ատրպէյճանական կողմի խոշտանգումները հայ գերիներու նկատմամբ, ՀՀ սահմանային բնակիչներու իրաւունքներու խախտումները՝ ատրպէյճանական զինուած ծառայողներու յանցաւոր արարքներով։

«Յատուկ անդրադարձած է անվտանգութեան ապառազմականացուած գոտի ստեղծելու ՀՀ մարդու իրաւունքներու պաշտպանի հայեցակարգին։ Նշած է, որ ԵԽԽՎ-ի բանաձեւին մէջ եւս ներառուած է մեր առաջարկը, քանի որ փաստերով հիմնաւորած ենք անոր անհրաժեշտութիւնը»,- Արմենպփես-ի փոխանցմամբ՝ հանդիպումէն ետք մանրամասներ  յայտնած է ՀՀ ՄԻՊ-ը:  

Պաշտպանն անդրադարձած է նաեւ պատերազմէն ետք ատրպէյճանական զինծառայողներու անօրինական տեղակայումներուն ՀՀ համայնքներու միջեւ ճանապարհներուն, յանցաւոր արարքներուն, որն վտանգած է մարդկանց կեանքն ու առողջութիւնը, ոտնահարած է անոնց իրաւունքները։

Արման Թաթոյեանը մանրամասն ներկայացուցած է Ատրպէյճանի մէջ պահուող հայ գերիներու վերադարձի հրատապութիւնը՝ շեշտելով, որ անտեսուած են միջազգային պահանջները, եւ անոնք կը պահուին ռազմաքաղաքական սակարկութիւններու նպատակով:

Leave a Reply