«Թուրքիայի գործողութիւնները Սուրիայի հիւսիս-արեւելքին կը սպառնան խաթարել տարածաշրջանի խաղաղութիւնը, անվտանգութիւնն ու կայունութիւնը»,- ըսած է ԱՄՆ նախագահ Ջո Պայտենը:

Պայտենը երկարաձգած է Սուրիայի հարցով արտակարգ դրութեան ռեժիմը 1 տարի ժամկէտով: Այդ թեմայով Կոնգրեսին հղած իր ծանուցման նամակին մէջ Պայտենը նաեւ անդրադարձած է Թուրքիային եւ յայտարարած է, որ Սուրիայի մէջ Թուրքիայի գործողութիւնը վնաս հասցուցած է ԴԱԻՇ-ի դէմ պայքարին: Պայտենը նամակ հղած է Ներկայացուցիչներու պալատի խօսնակ Նենսի Փելոսիին՝ արտակարգ դրութիւնը մէկ տարի  երկարաձգելու որոշման վերաբերեալ եւ բացատրած է անոր պատճառները:

Որոշման վերաբերեալ Սպիտակ տան կատարած յայտարարութեան մէջ յիշեցուցած է, որ նախկին նախագահ Տոնալդ Թրամփը 2019 թուականի Յոկտեմբերի 14-ին N13894 հրամանագիրով յայտարարած էր արտակարգ դրութիւն՝ համաձայն «Միջազգային արտակարգ տնտեսական իրավիճակներու   լիազօրութիւններու օրէնքի»: