Կը շարունակուի ԱՀ Մարտունի շրջանի Սոս եւ Մաճկալաշեն համայնքներուն մէջ պատերազմի հետեւանքով վնասուած բնակելի տուներու վերանորոգման շինաշխատանքները։

Այս մասին ըսած է Մարտունի շրջվարչակազմի աշխատակազմի քաղաքաշինութեան եւ տեղական ինքնակառավարման բաժինի պէտ Ալեքսանտր Սաղեանը։

«Սոս համայնքին մէջ պատերազմի հետեւանքով վնասուած է 80 բնակելի տուն, որմէ 27-ը վերանորոգուած է, իսկ Մաճկալաշենի մէջ՝ 71 տուն, որմէ 16-ը եւս վերանորոգուած է։ Մաճկալաշեն համայնքին մէջ պատերազմի հետեւանքով հիմնովին աւիրուած է մէկ բնակելի տուն, որու փոխարեն՝ «Թուֆենկեան» բարեգործական հիմնադրամի աջակցութեամբ կառուցուած է նոր բնակելի տուն։ Բացի այդ՝ կան բնակելի տուներ, որոնք պատերազմի հետեւանքով մեծ վնասներ կրած են։ Այս պահի դրութեամբ կը կատարուին զոհուածներուն տուներու հին պատուհանները նոր՝ եւրոպատուհաններով փոխարինման համար չափագրման աշխատանքներ»,- ներկայացուցած է Ա. Սաղեանը։