Հրապարակուեր է ՄԱԿ-ի Մարդու իրաւունքներու խորհուրդի կողմէ ստեղծուած Լիպիայի տուեալներու հաւաքագրման առաքելութեան զեկոյցը, որը կ՛ուսումնասիրէ 2016 թուականէն ի վեր մարդու իրաւունքներու խախտումները:

Լիպիայի վերաբերեալ իր զեկոյցի ժամանակ ՄԱԿ-ը նշած է, որ Թուրքիան Սուրիայէն «երեխայ մարտիկներ»  ուղարկած է տարածաշրջան:

Զեկոյցը կը ներառէ փաստեր այն մասին, որ սուրիացի մանկահասակ զինեալներուն օգտագործած են Լիպիայի քաղաքացիական պատերազմի ժամանակ, եւ որ Թուրքիան  դեր ունի «այս երեխաներուն Լիպիա տանելու եւ անոնց պատերազմի մէջ ներքաշելու գործին»: Զեկոյցը գնահատող թուրքական դիիւանագիտական ​​աղբիւրները հերքեր են այդ մեղադրանքները:

Զեկոյցի ժամանակ Թուրքիայի արարքը կը բացատրուի  հետեւեալ կերպ.

2019 թուականի վերջէն մինչ այժմ ստացուած վկայութիւնները ցոյց կուտան, որ Թուրքիան միջնորդած է հաւաքագրել սուրիացի երեխաներուն, որոնց արտաքին տեսքէն ակնյայտօրէն կ՛երեւի անոնց տարիքը՝ 15-18 տարեկան, եւ վարձատրութեան դիմաց անոնց դրդած է Ազգային համաձայնութեան կառավարութեան հետ միասին զինուած պայքար մղել Լիպիայի ազգային բանակի դէմ։ Այս մանկահասակ զինեալներուն օգտագործած են տարբեր տարածքներու մէջ՝ որպէս մարտիկներ կամ օժանդակ գործառոյթ իրականացնողներ, ինչպիսին են անվտանգութեան ուժերը: Չի հնազանդուելու համար անոնցմէ շատերը բանտարկուեր են,  ոմանք ալ ֆիզիկական հաշուեհարդարի ենթարկուած:

Զեկոյցի ժամանակ նաեւ նշուած է, որ այս գործարքը կը հակասէ միջազգային համաձայնագիրներուն:

Leave a Reply