Օրեր  առաջ   Գամիշլիի մէջ     վիրաւորուած   հայորդիին  վիճակը  կը բարելաւուի: Այս մասին «Արեւելք»  տեղեկութիւն ստացաւ  Դամասկոսի  իր աղբիւրէն:  Մեր աղբիւրը նաեւ  նշեց, որ     «Սոթորո»   խմբաւորման  հայ զինեալներէն ՝ Թովմաս Ժան  Յակոբեան , որ       շաբաթ մը առաջ  Գամիշլիի «Հայ  ալ ուասթանի»  թաղամասին մէջ      վիրաւորուելէ եւ  բուժման նպատակով Դամասկոս    փոխադրուելէ ետք ենթարկուած էր   վիրաբուժական  գործողութեան  եւ    երկու  օրէ  ի վեր   անոր վիճակը կ’ընթանայ դէպի յաւելեալ բարելաւում:

Մեր աղբիւրը նաեւ փոխանցեց, որ   հայորդիին  մօտ կը գտնուի  վերջինիս  մայրը, որ  մօտէն կը հետեւի   բժիշկներու       ձեռք առած  քայլերուն:

Նոյն  ծիրին մէջ    «Արեւելք»       իմացաւ, որ Դամասկոսի Թեմի Առաջնորդ Տ.  Արմաշ  եպս. Նալպանտեան     հիւանդանոց     այցելութիւն մը   տալով    առողջութիւն  մաղթած   ու  օրհնութիւնները բաշխած  է վիրաւորեալ  հայորդիին:

Յիշեցնենք, որ  Յակոբեան  վիրաւորուած էր   Գամիշլիի  շուրջ   գործող  քրտական  «Ասայէշ»  ջոկատներուն   հետ եղած   բախումի մը ընթացքին:

Դէպքէն անմիջապէս  ետք  շրջանի  պատասխանատու  մարմինները    ի մի գալով  արագօրէն լուծած  էին  հարցը  եւ    շրջանի  ընդհանուր իրադրութիւնը  վերադարձած էր իր նախկին խաղաղ  եւ բնականոն հունին:

http://arevelk.am/am/content/2/2198/%D4%B9%D5%B8%D5%BE%D5%B4%D5%A1%D5%BD-%D4%BA%D5%A1%D5%B6-%D5%85%D5%A1%D5%AF%D5%B8%D5%A2%D5%A5%D5%A1%D5%B6%D5%AB–%D5%BE%D5%AB%D5%B3%D5%A1%D5%AF%D5%A8-%D5%AF%D5%A8-%D5%A2%D5%A1%D6%80%D5%A5%D5%AC%D5%A1%D6%82%D5%B8%D6%82%D5%AB.-%D5%8F.-%D4%B1%D6%80%D5%B4%D5%A1%D5%B7-%D4%B1%D6%80%D5%A2%D5%A1%D5%A6%D5%A1%D5%B6–%D5%A1%D5%B5%D6%81%D5%A5%D5%AC%D5%A1%D5%AE-%D5%A7-%D5%B0%D5%AB%D6%82%D5%A1%D5%B6%D5%A4%D5%A1%D5%B6%D5%B8%D6%81.html