Յոկտեմբերի 9-13-ը Հայաստանը կը մասնակցի Եւրոպայի մէջ սնունդի եւ ըմպելիքներու ամենէ մեծ միջազգային ցուցահանդէսին՝ «Անուգա 2021»-ին, որը տեղի  կ՛ունենայ Գերմանիայի Դաշնային Հանրապետութեան Քիոլն քաղաքին մէջ:

Հայաստանը միասնական տաղավարով կը ներկայացնեն բուսական թեյերու արտադրութեան, չրարտադրութեան եւ պահածոներու արտադրութոան ոլորտներուն գործող ութ ընկերութիւններ։ Ցուցահանդէսին Հայաստանի մասնակցութիւնը հնարաւոր դարձած է «Արեւելեան գործընկերութիւն, առեւտուրի համար պատրաստ. ԵՄ-ն Պիզնեսի համար նախաձեռնութիւնը» ծրագիրի շրջանակին։ 

«Անուգա 2021»-ն ամենէ մեծ միջազգային հարթակն է կապերու հաստատման եւ վաճառքի խթանման համար, որուն հայաստանեան ընկերութիւնները ներկայացուած են պանդեմիայի սկսելէ ետք։ Ցուցահանդէսին մասնակցութիւնը կը նպաստէ տեղական արտադրութեան առաջխաղացման, ինչպէս նաեւ՝ արտահանման ծաւալներու եւ աշխարհագրութեան ընդլայնմանը։

Ըստ հաղորդագրութեան՝ ցուցահանդէսներու վերսկսելէ ետք «Անուգա 2021»-ն ամենէ մեծն է Եւրոպայի մէջ, այս տարի ցուցահանդէսին կը մասնակցին աւելի քան 4000 ընկերութիւններ աշխարհի 94 երկիրներէ։