Հայաստանին եւ Ֆրանսիային կապող պատմական համերաշխութեանը հաւատարիմ՝ Ֆրանսիայի երեք հանրային հիւանդանոցները միացած են իրենց հայ գործընկերներուն՝ օգնելու Արցախի վերջին հակամարտութեան տուժածներուն:

Այդ համագործակցութեան շրջանին Յոկտեմբերի 13,14 եւ 15-ին Երեւանի Մխիթար Հերացիի անուան պետական բժշկական համալսարանին մէջ տեղի կ՛ունենայ Արցախի հակամարտութեան արդիւնքին վիրաւորուած անձերու խնամքին նուիրուած առաջին հայ-ֆրանսիական գիտաբժշկական համաժողովը:

Համաժողովի նպատակը հայ եւ ֆրանսիացի մասնագետներու միջեւ փորձի փոխանակումն է, ինչպէս նաեւ առողջապահութեան ոլորտին երկու պետութիւններու միջեւ տեւական համագործակցութեան հեռանկարը:

Հայ-ֆրանսիական առաջին գիտաբժշկական համաժողովի բացմանը ներկայ կը գտնուին ՀՀ նախագահ Արմեն Սարգսեանը, ՀՀ ԿԳՄՍ նախարար Վահրամ Տումանեանը, ՀՀ-ի մէջ Ֆրանսիայի Հանրապետութեան դեսպան Անն Լույոն, ինչպէս նաեւ Փարիզի համալսարանական հիւանդանոցներու գլխաւոր տնօրէն Մարտին Հիրսչը եւ Լիոնի քաղաքացիական հիւանդանոցային համակարգի գլխաւոր քարտուղարը:

Leave a Reply