Թուրքիայի նախագահ Ռեջեփ Թայիփ Էրդողանը ԱՄՆ նախագահ Ջո Պայտենի հետ կը քննարկէ Արցախի հարցը, կը հաղորդէ ատրպէյճանական «Թրենտ» լրատուական գործակալութիւնը՝ վկայակոչելով Թուրքիայի նախագահի մամուլի քարտուղար Իպրահիմ Քալընի՝ թուրքական «Միլիեթ» թերթին տուած հարցազրոյցը։

Քալընը թուարկած է այն հարցերը, որոնք նախատեսած է քննարկել երկու երկիրներու նախագահներու երկկողմ հանդիպմանը՝ G-20-ի առաջնորդներու գագաթնաժողովի շրջանակներուն, որը տեղի կ՛ունենայ Հռոմի մէջ՝     Յոկտեմբերի 30-էն 31-ը։

«Մենք լայն կապեր ունինք Միացեալ Նահանգներու հետ: Ղեկավարները կը քննարկեն օրակարգի հիմնական հարցերը՝ քաղաքական, տնտեսական, էներգետիկ, առեւտրային, պաշտպանական, արդիւնաբերութեան, անվտանգութեան եւ ահաբեկչութեան դէմ պայքարի ոլորտներուն: Կը քննարկուին նաեւ Աֆղանստանի, Սուրիայի, Իրաքի, Կովկասեան տարածաշրջանի եւ Արցախի, Լիպիայի, Միջերկրականի ինչպշէս նաեւ այլ ընդհանուր խնդիրներուն վերաբերող հարցեր», – ըսած է Թուրքիայի նախագահի մամուլի քարտուղարը: