Իրանը ընդլայնած է ռազմավարական համագործակցութիւնը սուրիական վարչակազմի հետ նաեւ պաշտպանական ոլորտին: Այդպիսի եզրակացութիւն կարելի է կատարել՝ ելնելով շաբաթ օրն Իրանի արտաքին գործերու նախարար Հոսեյն Ամիր Աբտոլլահիանի՝ Դամասկոս կատարած այցի արդիւնքներէն:

Արեւմտեան ԶԼՄ-ներու տեղեկութիւններով՝ իրանամետ խմբաւորումները կը մնան Իսրայելի հետ սահմանին, իսկ սուրիական տարածքը Թեհրանի կողմէ կը դիտարկուի որպէս պլացդարմ՝ հրէական պետութեան հետ հնարաւոր պատերազմի պարագային: Իսրայելը, իր հերթին, պատրաստ է որպէս պլացդարմ օգտագործել Ատրպէյճանը:

Նշենք, որ ԱՄՆ-ի ղեկավարութիւնն արդեն հաղորդած է, որ միայն դիւանագիտական միջոցներով չի գործեր, եթէ Իրանը չի դադարեցնէ իր միջուկային ծրագիրը: Եթէ, այնուամենայնիւ, Իրանի հետ պատերազմ  սկսուի, ԱՄՆ-ն կը պաշտպանէ Իսրայելին։

Իրանի դէմ պատերազմելու համար Իսրայելը կ՛օգտագործէ Ատրպէյճանի տարածքը, ինչպէս նաեւ Ատրպէյճանին՝ ընդհանրապէս: Եւ այդ, ինչպէս պարզ է իրադարձութիւններու ընթացքէն, այն գինն է, որը Պաքուն պէտք է վճարէ արցախեան պատերազմին ստացած «իսրայելական նուերներու» դիմաց: Եւ եթէ պատերազմը բռնկուի, կարելի է ենթադրել, որ ռազմական գործողութիւնները կը մղուի երկու ճակատին, որոնցմէ մէկի արդիւնքները կենսական նշանակութիւն կունենան նաեւ Հայաստանի համար:

Յիշեցնենք նաեւ, Մոսկուայի մէջ կայացած հանդիպման ընթացքին Իրանի եւ ՌԴ-ի արտաքին գործերու նախարարները քննարկած են նաեւ Կարսի պայմանագրի հարցը, պայմանագիր, որն իրաւական ուժ չունի, չէ ճանաչուած Ազգերու լիգայի կողմէ, բայց պարտադրուած է հայ ժողովուրդին արդեն 100 տարի:

Leave a Reply