Լոնտոնի մէջ՝ Քենսինկթոն թագաւորական համայնքի  Սբ.Քաթբերթ եկեղեցիին մէջ,  2021 թուականի Յոկտեմբերի 16-ին կը կայանայ համերգ՝ նուիրուած կոմպոզիտորներ Ալեքսանդր Սպենդիարեանի ծննդեան 150 եւ Առնօ Պապաճանեանի 100-ամեակներուն։

Այս մասին կը յայտնէ ԿԳՄՍ նախարարութենէն`մանրամասնելով, որ համերգին կը մասնակցին միջազգային ճանաչում ունեցող երաժիշտներ, Քլինգենի երգչախումբը  եւ  Քլինգենի կամերային նուագախումբը (գեղարուեստական ղեկավար եւ դիրիժոր` Սիփան Օլահ):

Համերգի նպատակն է արտերկրի մէջ եւս հանրահռչակել մեծ կոմպոզիտորներու ստեղծագործական անմահ ժառանգութիւնը։

Նշուած է, որ համերգի կազմակերպիչը Քլինգենի երգչախումբն ու մշակութային ասոցիացիան են՝ Մեծ Բրիտանիայի եւ Հիւսիսային Իռլանտիայի Միացեալ Թագաւորութեան մէջ Հայաստանի Հանրապետութեան դեսպանատան աջակցութեամբ։

Առնո Բաբաջանյան – Անուրջներ