Արեւմտեան Հայաստանի Ուրֆայ նահանգի նեոլիթեան ժամանակաշրջանի կարեւոր բնակավայրերէն մէկի մէջ՝ Քարահանթեփէի աւերակներուն մէջ յայտնաբերուած 11 հազարամեայ 28 պատմական արժեքներ Ուրֆայի հնագիտութեան թանգարանին մէջ ներկայացուեր են այցելուներուն։

Այդ 28 անտիկ առարկաները, որոնք յայտնաբերուեր են Քարահանթեփէի մէջ երեք տարի շարունակուող պեղումներու արդիւնքին, դրուած է ցուցադրութեան՝  կարճ ժամանակով կատարուած վերականգնողական աշխատանքներու աւարտէն ետք: Ցուցանմուշներու շարքին ուշագրաւ են մարդու եւ կենդանիներու գլուխով քանդակները: