Դէպի Տատիվանք ուխտագնացութիւնները կը վերականգնուին` ըստ Գարեգին Երկրորդ Ամենայն Հայոց կաթողիկոսի եւ Մոսկուայի ու Համայն Ռուսիոյ Կիրիլ պատրիարքի մոսկովեան հանդիպման ժամանակ ձեռք բերուած պայմանաւորուածութեան:

Այս մասին ըսաւ Արցախի Հանրապետութեան ԿԳՄՍ նախարար Լուսինէ Ղարախանեանը։

«Ռուս խաղաղապահներու շնորհիւ մենք կը պահենք Տատիվանքը, այնտեղ 6 հոգեւոր սպասաւորներ ունինք: Այս պահին ժամանակաւորապէս դադարեցուած են ուխտագնացութիւնները Տատիվանք: Բայց մենք կրկին պիտի վերականգնենք անոնք՝ օրերս Մոսկուայի մէջ տեղի ունեցած Վեհափառ հոր եւ Կիրիլ պատրիարքի հետ հանդիպման արդիւնքներով: Դէպի Տատիվանք ուխտագնացութիւնները մենք կրկին պիտի սկսինք»,- ըսած է նախարարը:

Ամարասի մէջ ուխտագնացութիւնը կը շարունակուի: Ղարախանեանը յայտնեց նաեւ, որ հնարաւոր եղած է կանխել Հայրենական մեծ  պատերազմի յուշարձաններու աւիրումը:

Յիշեցնենք, որ Տատիվանքը Հայ Առաքելական եկեղեցւոյ հնագոյն վանական համալիրներէն է: Արցախի 44-օրեայ պատերազմէն ետք Տատիվանքը մնացեր է ատրպէյճանական վերահսկողութեան տակ: