Փարիզի քաղաքային խորհուրդն ընդունած է կարեւոր որոշում՝ հերթական անգամ արձանագրելով Փարիզի եւ Հայաստանի միջեւ անխախտ բարեկամութիւնը եւ հայ-ֆրանսիական յարաբերութիւններու ամրութիւնը։

Ֆրանսիայի մէջ ՀՀ դեսպանութիւնը տեղեկացուցած է․ «Քաղաքային խորհուրդի միաձայն որոշումին Փարիզի կենտրոնին գտնուող հատուածներէն մէկը՝ Ալմայի եւ Էնվալիտներու կամուրջներու միջեւ եղած եւ Սենա գետին հարող ընդարձակ տարածքը, անուանակոչել Հայաստանի անունով՝ ստանալով Հայաստանի էսպլանատ հնչեղ անուանումը «Esplanade d’Arménie»)։

Հայաստանի էսպլանատը կ՛ընդգրկուի Փարիզի հասցեներու պաշտօնական ցուցակին մէջ եւ իր ընդարձակ տարածքին մէջ կը ներառէ նաեւ դեռեւս 2004 թուականին բացուած Կոմիտաս Վարդապետի արձանը եւ 2009 թուականին բացուած Երեւանի այգին։