Իրանի քաղաքական եւ զինուորական բարձրաստիճան պաշտօնեաներու կտրուկ յայտարարութիւնները զգալիօրէն կը կոտրեն ռուս-թուրքական ծրագիրներու մինչ այս սահուն ընթացքը, իսկ Հնդկաստանի աջակցութիւնը այլընտրանքային նախագիծերուն աւելի  կ՛ընդգծէ այս իրավիճակը։ Հայաստանի համար հնարաւորութիւններու նոր դուռ կը բացուի։

Արցախի գրաւուած տարածքներուն մէջ Իսրայելի, ինչպէս նաեւ ահաբեկիչներու ներկայութեան վերաբերեալ Իրանի կոշտ յայտարարութիւնները եւ հարցադրումները ուղղուած են Ռուսաստանին, որը կ՛ընդգծէ Մոսկուա-Անկարա-Իսրայել համաձայնութիւններու ոչ միայն հակահայ, այլեւ հակաիրանական ուղղուածութիւնը։

Մոսկուան չէ պատասխանած իրանական հարցադրումներուն, Կրեմլին հարող փորձագէտները նշած են, որ Մոսկուան ու Անկարան «Բաց թողած են Իրանին եւ հիմա ստիպուած կ՛ըլլան հաշուի նստիլ անոր շահերու հետ»։