Յոկտեմբերի 14-ի երեկոյեան ատրպէյճանական զինուած ուժերը կրակ բացած են Արցախի Հանրապետութեան արեւելեան սահմանագոտիին մէջ տեղակայուած ՊԲ մարտական հենակէտի ուղղութեամբ, որու արդիւնքին հրազենային վիրաւորում ստացած է վեց զինծառայող: Վիրաւորուած զինուորներու կեանքին վտանգ չի սպառնար։

Դէպքի մասին անհապաղ տեղեկացուած է Արցախի մէջ ՌԴ խաղաղապահ զօրակազմի հրամանատարութիւնը: Այս մասին կ՛ըսուի Արցախի ՊԲ տարածած հաղորդագրութեան մէջ: «Արցախի Հանրապետութեան պաշտպանութեան նախարարութիւնը յայտարարած է, որ կը շարունակէ հաւատարիմ մնալ հրադադարի ռեժիմի պահպանմանը եւ կոչ ուղղած է ատրպէյճանական կողմին նոյնպէս ձեռնպահ մնալ իրադրութիւնն ապակայունացնող գործողութիւններէն»,- նշուած է հաղորդագրութեան մէջ:

Սահմանային գոտիին տեղի ունեցած դէպքերէն ետք օպերատիվ-մարտավարական իրադրութիւնը այս պահին հանգիստ է: Հայկական կողմը դիրքային ու տարածքային կորուստներ չունի: