Արեւմտեան Հայաստանի պատմական Տիգրանակերտ քաղաքի՝ ԵՈՒՆԵՍԿՕ-ի համաշխարհային մշակութային ժառանգութեան ցանկին մէջ  ընդգրկուած 5000-ամեայ   պարիսպներուն մէջ կը շարունակուին պեղումները, որոնց ընթացքին յայտնաբերուած են ենթակառուցուածքային ջրահեռացման ուղիներ։ Այս պարիսպները կը համարուին մեծութեամբ երկրորդը՝ Չինական մեծ պարիսպէն ետք։

Ամիտա բլուրի պեղումներու ղեկավար պրոֆ. Դոկտ. Իրֆան Եըլտըզը, ով կը ղեկավարէ նաեւ այս պեղումները, կ՛ըսէ, որ յայտնաբերուած ջրատարները այն ժամանակաշրջանի համար «ինժեներական հրաշք» կը ներկայացնեն եւ յայտարարած է, որ յայտնաբերուած ջրուղիները կառուցուեր են պարիսպներու հետ միասին:

«Իչքալէ (ներքին ամրոց) կոչուող հատուածին մէջ առայժմ  յայտնաբերուեր են  երեքը: Անոնց լայնութիւնը 25, բարձրութիւնը` 40 սանտիմետր է, երկարութիւնը կը հասնի 4,5 մետրի: Մենք կը տեսնենք, որ այդ ջրատարները օգտագործուած են նաեւ յետագայ ժամանակաշրջաններուն»,- ըսած է պրոֆեսորը եւ յոյս յայտնած է, որ մոտ ապագային եւս կը յայտնաբերուին նոր ջրատար ուղիներ։