Կարեւորելով արուեստի զօրութիւնն եւ դերակատարումը ազգապահպանման գործին՝ Երուանդ Քոչարի թանգարանը նախաձեռնած է «Հայ դիւցազնավեպի քոչարեան պատկերապատումը» ցուցահանդէսը: 

«Արմենփրես»-ի հաղորդմամբ՝ ցուցահանդէսի բացման հանդիսաւոր արարողութիւնը տեղի կ՛ունենայ Յոկտեմբերի 22-ին հեղինակի թանգարանէն ներս:

Կը ներկայացուին քոչարեան նկարազարդումները: 1939 թուականին, երբ նշուած էր էպոսի 1000-ամեայ յոբելեանը, Քոչարը ստեղծած է «Սասունցի Դաւիթի» նկարազարդումներու շարքը: Նորարարական լուծումներու կիրառմամբ թանգարանին մէջ փորձած են ստանալ էպոսեան առասպելական միջավայր եւ փոխանցել այն հիմնական ազդակները, որոնցմէ ներշնչուելով Քոչարը ստեղծած է իր գրաֆիկական էջերը: 

Նկարազարդումներու բնօրինակները տրամադրած է Հայաստանի ազգային պատկերասրահը,  որու շնորհիւ նաեւ հնարաւոր  դարձած է ցուցադրութեան կազմակերպումը:

Հայ ժողովրդական «Ֆիդան յար» պարերգ:

https://www.youtube.com/watch?v=kcJMbqkAI-A