Ատրպէյճանը պատշաճ պատասխան պիտի տայ Հայաստանի կողմէ առնուած սահմանազատման եւ սահմանագծման հարցին` առնչուած իւրաքանչիւր դրական քայլի: ԹԱՍՍ լրատուական գործակալութիւնը կը հաղորդէ, որ այս մասին յայտարարած է Ատրպէյճանի արտաքին գործոց նախարար Ճէյհուն Պայրամովը` քաթարցի իր պաշտօնակից Մուհամետ պըն Ապտելռահման Ալ Թանիի հետ հանդիպումի ընթացքին:

«Ատրպէյճանը կողմնակից է Հայաստանի հետ յարաբերութիւններու աստիճանական կարգաւորման յետհակամարտային ժամանակաշրջանին մէջ` միջազգային իրաւունքի հիման վրայ: Չափազանց կարեւոր է կարելի եղածին չափ շուտ սկսիլ երկու երկիրներու պետական սահմաններու սահմանազատման ու սահմանագծման հոլովոյթները եւ լուծել այդ հարցերը: Ատրպէյճանը ուշադրութեամբ կը հետեւի այդ ուղղութեամբ տեղի ունեցող հոլովոյթներուն: Եւ այստեղ իրաքանչիւրը կրնայ վստահ ըլլալ, որ հակառակ կողմէն իւրաքանչիւր դրական քայլ մեր կողմէ պատշաճ արձագանգ պիտի ստանայ, եւ մեր կողմէ դրական քայլերու պիտի ձեռնարկուին», ըսած է ատրպէյճանցի նախարարը: