Հայոց եկեղեցւոյ ԱՄՆ Արեւմտեան թեմի Սուրբ Ղեւոնդեանց մայր տաճարին մէջ քարոզի  ժամանակ Տաւուշի թեմի  առաջնորդ Գերաշնորհ Բագրատ Եպիսկոպոս Գալստանեանն ըսած է, որ մեր ժողովուրդն կ՛ապրի թէ՛ ֆիզիկական, թէ՛ հոգեւոր ծանր եւ դժուար իրավիճակի մէջ:

Անոր խօսքով՝ «պատերազմի օրերուն ամեն վայրկեանն ապրեցաք ոչ միայն ցաւի, այլ նաեւ յաղթանակի տեսիլքով։ Այս պիտի չի վերջանայ։ Յաղթանակի տեսիլքը պիտի չի աւարտի, անկախ անկէ, թէ մենք ինչ հանգրուանի մէջ կը գտնուինք այսօր։

Մեր ՄԱՅՐԸ (Արցախը) հիւանդ է այսօր, խոցուած է, բայց մեռած չէ։ Մենք իրաւունք չունինք սպաննելու։ Այցելէ՛ք, վերադարձէ՛ք տուն՝ Արցախ»։

Գերաշնորհ Բագրատ Եպիսկոպոս Գալստանեանը քարոզի ժամանակ խօսած է Տատիվանքի մէջ ապրող հոգեւորականներու մասին, որոնք, սրբազանի խօսքով, 6 ամիս է փակուած են այնտէղ. «6 ամիս դուրս չեն եկած, փակուած են, արգիլուած է ելքն ու մուտքը։ Այսպիսի հերոսական ճակատամարտի մէջ են մեր հոգեւոր եղբայրները՝ գտնուելով գերեվարուած Տատիվանքի մէջ»։