Արդեն մէկ ամիս է սկսած են Ջաւախքի Կուլիկամ գիւղի գիւղամիջեան ճանապարհի ասֆալտապատման աշխատանքները ու դեռ կը շարունակուին։

Կուլիկամ եւ Կարտիկամ գիւղերու ասֆալտապատման աշխատանքներու իրականացման համար յայտարարուած էլեկտրոնային մրցոյթը յաղթած է «ՋաւախԱվտոԳզա» ընկերութիւնը՝ 939`421.00 լարի արժողութեամբ։

Կուլիկամի մէջ պիտի ասֆալտապատուի ընդհանուր ճանապարհի 1 կմ եւ 240 մ հատուածը։

«Աշխատանքներն սկսած են մէկ ամիս առաջ, եւ ամեն պարագային այս տարի պէտք է աւարտին հասնի», –  կ՛ըսէ «ՋաւախԱվտոԳզա» ընկերութեան տնօրէն Ջապա Ձիրկվաձեն։

Գիւղի բնակիչներէն ոմանք գոհ են կատարուած աշխատանքներէն, ոմանք ալ դեռ սպասումներ ունին: