Երուսաղեմի մէջ ցոյց տեղի ունեցած է։ Ցոյցի մասնակիցները պահանջած են չեղարկել Երուսաղեմի հայոց պատրիարքութեան կողմէ հողատարածքը 99 տարուայ վարձակալութեամբ յանձնելու պայմանագիրի դէմ։ Ցուցարարները պահանջած են պատրիարքէն յետ վերցնել ստորագրութիւնը այս պայմանագիրէն եւ միաբանութեանը կոչ ուղղել չեղեալ համարել պայմանագիրը։ Միաբանութիւնը այս պայմանագիրը չէ տեսած, այսպիսի գործարքէն տեղեակ չէ։

Ցոյցի մասնակիցներէն մէկը Lragir.am-ի հետ զրոյցի ժամանակ նշած է, որ այս անհատներու կողմէ իրականացուած գործարք է․«Մենք կ՛ակնկալենք, որ իշխանութիւնները՝  Յորդանանը, Պաղեստինը եւՀայաստանը իրենց քայլերը կը կատարեն ընդդէմ այս պայմանագրի։ Տեղացիները՝ հայ եւ ոչ հայ, չեն կարող լուռ մնալ, անոր համար ակնկալած են իշխանութիւններու միջամտութիւնը։ Մենք մտադիր ենք պայքարիլ ամեն ձեւ մինչեւ հողի վերադարձը։ Յուսով ենք այս հարցով փոփոխութիւն կ՛ըլլայ շուտով», նշեց ակտիվիստը։ Ան աւելցուց նաեւ, որ Էջմիածինը կենտրոնական դեր ունի եւ անոր արձագանքը շատ կարեււոր է։