Արհամարհելով միջազգային կառոյցներու կողմէ հնչեցուող կոչերն ու հորդորները՝ ատրպէյճանցիները կը շարունակեն պետական մակարդակով աւիրել եւ ոչնչացնել  Արցախի հանրապետութեան բռնագրաւուած բնակավայրերուն մէջ դարերու ընթացքին ստեղծուած քրիստոնէական արժէքները՝ վանքերն ու եկեղեցիները, խաչքարերը, պատմամշակութային միւս յուշարձանները: Հաւաստի տեղեկութիւններու վհամաձայն՝ թշնամիի կողմէ կողոպտուած ու հրդեհուած են Հադրութի  եւ շրջանի համայնքներուն մէջ գտնուող բոլոր թանգարանները: Ցաւօք, մասունքներու չնչին մասը  յաջողուած է դուրս հանել ու փրկել բարբարոսներէն, որոնք Ստեփանակերտի «Եւրոպա» հիւրանոցի ճեմասրահին մէջ բացուած «Մենք կը վերադառնանք» վերտառութեամբ ցուցահանդէսի ժամանակ ներկայացուած եղած է  այցելուներուն։

Հաւաքածուին առանձին շուք կը հաղորդեն Մեծ Թաղերու Սուրբ Ամենափրկիչ եկեղեցւոյ զանգը, վարագոյրներն  ու մոմակալները:

Հանրահռչակելով հայկական քրիստոնէական արժէքները՝ ցուցահանդէսի նախաձեռնողները համոզուած են, որ «արդարութիւնը կը վերականգնուի, եւ տանտերերու հետ այդ բացառիկ ցուցանմուշները կը վերադառնան հայրենի ծննդավայրեր»:

Հայ ժողովրդական պարերգ, Այ լոթի յար ջան: