Միացեալ Թագաւորութեան մէջ Հայաստանի դեսպան Վարուժան Ներսէսեանը հանդիպած է ՄԹ խորհրդարանի Համայնքի պալատի լեյբորիստական կուսակցութեան եւ ՄԹ-ՀՀ բարեկամական խումբի անդամներ Քեթրին Ուեսթի եւ Ջեյմս Մարեյի հետ։

«Արմենփրես»-ի հաղորդմամբ, Միացեալ Թագաւորութեան մէջ ՀՀ դեսպանութիւնը կը տեղեկացնէ, որ հանդիպման ընթացքին դեսպանը նախ շնորհակալութիւն յայտնած է պատգամաւորներու կողմէ Հայաստանին եւ Արցախին հատկապէս պատերազմի ժամանակ մշտական աջակցութիւն ցուցաբերելու եւ ՄԹ խորհրդարանին մէջ Հայաստանի մոտեցումները բարձրաձայնելու եւ սատարելու համար։ Դեսպանը մանրամասն ներկայացուցած է տարածաշրջանային վերջին զարգացումները, Ատրպէյճանի կողմէ Հայաստանի նկատմամբ շարունակական ագրեսիվ գործողութիւնները եւ բանակցային գործընթացի վերսկսման հնարաւորութիւնները։

Վարուժան Ներսէսեանը հատուկ կարեւորած է Պաքուի մէջ մինչ օրս գտնուող ռազմագերիներու հայրենիք վերադարձի հարցը։ Դեսպանը ներկայացուցած է նաեւ Արցախի հայկական պատմամշակութային ժառանգութեան պահպանման անհրաժեշտութիւնը՝ ընդգծելով այս հարցով միջազգային գործընկերներու հստակ դիրքորոշում արտայայտելու կարեւորութիւնը։ 

Կողմերը քննարկած են նաեւ Թուրքիայի գործոնը եւ տարածաշրջանին մէջ բացասական ազդեցութիւնը, որուն վառ արտացոլումն էր Արցախի մէջ անցած տարուայ պատերազմին անմիջական ներգրաւուածութիւնը։