Արցախի «Բարձր տեխնոլոգիաներու եւ ռազմավարական պլանաւորման կենտրոն» հիմնադրամի նախաձեռնութեամբ սոյն թուականի Դեկտեմբերի 10-ին Արցախի մէջ առաջին անգամ տեղի կ՛ունենայ հեռուստամարաթոն, որուն ընթացքին հանգանակուած ամբողջ գումարը կ՛ուղղուի Արցախի զարգացմանն ու շենացմանը:

Այս եւ շարք մը այլ հարցերու քննարկման, սփիւռքի հայ համայնքի հետ կապերու ամրապնդման համար Արցախի Հանրապետութեան պատուիրակութիւնը աշխատանքային այցով կը գտնուի Ռուսաստանի Դաշնութեան մէջ։

Այցի ընթացքին աշխատանքային հանդիպումներ եղած է Ռուսաստանի շարք մը հայ համայնքի ներկայացուցիչներու՝ մեծ գործարարներու եւ պաշտօնեաներու հետ։ Հայ համայնքը պատրաստակամութիւն յայտնած է յառաջիկային Արցախի մէջ ներդրումներ կատարելու, աշխուժ մասնակցութիւն ունենալու Դեկտեմբերի 10-ին կայանալիք հեռուստամարաթոնին, ինչպէս նաեւ օգնել մեր տեղահանուած հայրենակիցներուն՝ կառուցելու իրենց ապագան Արցախի մէջ։