Հայաստանի պաշտպանութեան նախարար Արշակ Կարապետեանը 21 Հոկտեմբերին ընդունած է Կովկասի եւ Կեդրոնական Ասիոյ մէջ ՕԹԱՆ-ի ընդհանուր քարտուղարի յատուկ ներկայացուցիչ Խավիեր Քոլոմինա Փիրիսը:

Հայաստանի պաշտպանութեան նախարարութենէն կը տեղեկացնեն, որ հանդիպումի ընթացքին Հայաստանի պաշտպանութեան նախարարը ներկայացուցած է Արցախի մէջ զինուորական գործողութիւններու  աւարտէն ետք ստեղծուած անվտանգային իրավիճակը եւ առկայ  սպառնալիքները, խօսած Արցախի դէմ սանձազերծուած 44-օրեայ պատերազմին ՕԹԱՆ-ի անդամ երկրի` Թուրքիոյ դերակատարութեան մասին, ինչ որ նուազեցուցած է շրջանին մէջ կայունութեան եւ  խաղաղութեան պահպանման գործին մէջ ՕԹԱՆ-ի հանդէպ վստահութիւնը:

Ըստ աղբիւրին, զրուցակիցները քննարկած են նաեւ շրջանային անվտանգութեան եւ Հայաստան-ՕԹԱՆ համագործակցութեան հեռանկարներուն առնչուող հարցեր: