Արցախի Հանրապետութեան արեւելեան հատուածին տեղակայուած Մարտունի շրջկենտրոնը յետպատերազմական շրջանին օրէ օր կը փորձէ ոտքի կանգնիլ։

Այս մասին ըսած է Մարտունի քաղաքապէտի պաշտօնակատար Ազնավուր Սաղեանը։

«Մինչ Արցախեան 44-օրեայ պատերազմը Մարտունիի բնակչութիւնը կը կազմէր 6228 մարդ, պատերազմէն ետք այդ թիւն աւելցած է՝ դառնալով 6823։ Տեղահանուած շուրջ 168 ընտանիք հաստատուած է այստեղ՝ 633 բնակիչով։ Հրետակոծութեան հետեւանքով վնասուած են 900-է աւելի շէնքեր եւ շինութիւններ։ Ամբողջութեամբ աւիրուած է 14 առանձնատուն։ Վերանորոգման աշխատանքներ իրականացուած է 380 առանձնատուներուն»,- ներկայացուցած է Ա.Սաղեանը։ Անոր տեղեկացմամբ՝ քաղաքին մէջ կը գործէ երկու դպրոց, որտեղ ընդհանուր առմամբ կը հաճախէ 1024 աշակերտ, կայ երկու մանկապարտեզ, որտեղ կը հաճախէ 320 երեխայ: 20֊րդ դարին կառուցուած Սուրբ Մեծն Ներսէս եկեղեցին հաւատաւոր ժողովուրդի աղօթատեղն է։ Խօսելով բնակչութեան զբաղուածութեան մասին՝ Ա.Սաղեանը մանրամասնած է. «Այստեղ կը գործէ 1 թռչնաֆաբրիկա, 1 գինիի գործարան, ծխախոտի ընդունման չորանոց, շինարարական կազմակերպութիւններ, որոնք կ՛ապահովեն բնակչութեան զբաղուածութեան խնդիրը»: