Ատրպէյճանի եւ Իրանի արտգործնախարարներ Ջեյհուն Պայրամովը եւ Հասեյն Ամիր Աբտուլահիանը հեռախօսազրոյցի ժամանակ քննարկած են երկու երկիրներու միջեւ յարաբերութիւններու ներկայ վիճակը, յայտնած է Ատրպէյճանի ԱԳՆ-ն։

«Նախարարները դրական գնահատած են վերջին շաբաթուայ ընթացքին յարաբերութիւններու զարգացումը, փոխադարձ դրական քայլ որակած են նաեւ Իրանի համապատասխան գերատեսչութիւններու նախազգուշացումը Ատրպէյճանի տարածքային ամբողջականութիւնը յարգելու անհրաժեշտութեան մասին»,- կ՛ըսուի ԱԳՆ յայտարարութեան մէջ:

Անդրադարձած է նաեւ Իրանի արտգործնախարարը` Թուիթերի մէջ գրելով, որ համապարփակ յարաբերութիւններու ճանապարհային քարտէսի շուրջ անկեղծ, ջերմ եւ կառուցողական զրոյց ունեցած է Ջեյհուն Պայրամովի հետ։ Ան նշած է նաեւ, որ Իրանի եւ Ատրպէյճանի կառավարութիւններու եւ ժողովուրդներու միջեւ կապերը կ՛ընդլայնուին փոխադարձ յարգանքի լոյյսի ներքոյ, կը փոխանցէ IRNA գործակալութիւնը: