Սուրիայի հիւսիսին գտնուող Աֆրին քաղաքի հասարակական կազմակերպութիւնները հրապարակած են Թուրքիայի եւ անոր կից ուժերու կողմէ Աֆրինի մէջ կանանց դէմ կատարուած յանցագործութիւններու ցանկը։ Յայտարարութեան մէջ նշուած է, որ 2018 թուականի Մարտի 18-էն մինչեւ  այսօր սպաննուած է 84 կին։ Շատերու ճակատագիրը դեռ անյայտ է։ 71 կնոջ նկատմամբ կատարուած է սեռական բռնութիւն։

Շեհպայի մէջ կայացած մամուլի յայտարարութեան ընթերցմանը մասնակցած են տասնեակ կանայք:

Յայտարարութեան մէջ ուշադրութիւն հրաւիրելով այն շրջաններու կանանց վիճակի վրայ, որտեղ պատերազմը դեռ կը շարունակուի, մասնաւորապշէս ըսուած է․ «Այն, ինչ տեղի ունեցած է Աֆրինի մէջ, կը գերազանցէ ռազմական յանցագործութիւններուն: Թուրքական պետութիւնը կը փորձէ հաշուեհարդար տեսնել ազատագրական պայքարը ղեկավարող կանանց հետ։ Աֆրինի, Սերեկանիէի եւ Գիրէ Սպիի մէջ կանայք կանխարգելած են ահաբեկչութիւնը, որուն  համար թուրքական պետութիւնը զինուած հարձակում իրականացուցած է կանանց դէմ»։

Յայտարարութեան շարունակութեան մէջ, դատապարտելով կատարուած բոլոր յանցագործութիւնները, Միաւորուած Ազգերու Կազմակերպութեանը (ՄԱԿ) եւ անոր կից կառոյցներուն կոչ ուղղած են միջոցներ ձեռնարկել այդ յանցագործութիւններու դէմ։