ԱՀ Ասկերանի շրջանի Այգեստան համայնքի վարչական տարածքին մէջ մեկնարկած են նոր բնակավայրի շինարարական աշխատանքները` պատերազմի հետեւանքով տեղահանուած Աւետարանոց գիւղի բնակիչներու համար։

Ինչպէս նշած է Արցախի Քաղաքաշինութեան նախարարութեան մամուլի պատասխանատու Մարթա Տանիելեանը,- «Ներկայ դրութեամբ շինհրապարակի մէջ կը կատարուին հողային աշխատանքներ։ Բնակավայրի ընդհանուր տարածքը նախագծային հաշուարկային ուրուագիծին կը կազմէ 52հա, իսկ տնամերձ հողամասերու մակերեսը կ՛ըլլայ 1000-1300 քմ։ Նոր բնակավայրը կ՛ունենայ 254 առանձնատուն։ Առանձնատուներու կառուցապատման աշխատանքները կ՛իրականացնէ «Կապաւոր» ՍՊ ընկերութիւնը։ Բնակելի տուները կը կառուցուին ԱՀ կառավարութեան միջոցներով»։