Թուրքիոյ նախագահ Ռեճեփ Թայիփ Էրտողանն յայտարարած է, որ արեւմտեան երկիրներու 10 դեսպաններու հնարաւոր արտաքսման հետ կապուած դիւանագիտական ​​ճգնաժամը հանգուցալուծուած է դեսպանատուներու՝ Թուրքիայի գործերուն չի միջամտելու մասին յայտարարութիւններէն ետք, յայտնած է BBC-ն։

Անցած շաբաթ Էրդողանն յայտարարած է, որ երկրի ԱԳՆ-ը հրամայած է պերսոնա նոն գրատա յայտարարել Քանատայի, Ֆրանսիայի, Ֆինլանտիայի, Դանիոյ, Գերմանիոյ,  Նետերլանտներու,  Նոր Զելանտայի, Նորվեկիոյ,  Շուէտի եւ Միացեալ Նահանգներու դեսպաններուն, որոնք աւելի շուտ կոչ ուղղած են Թուրքիայի ղեկավարութեանը ազատ արձակել իրաւապաշտպան Օսման Քաւալային։

Հոկտեմբերի 25-ին Միացեալ Նահանգներու եւ միւս երկիրներու դեսպանատուները յայտարարած են, որ հաւատարիմ են այլ երկիրներու ներքին գործերուն չի միջամտելու մասին Վիեննայի կոնվենցիայի 41-րդ յօդուածին: Անկէ ետք  Թուրքիայի նախագահն ըսած է, որ դեսպանները «այսուհետ աւելի ուշադիր ու զգոյշ կ՛ըլլան Թուրքիայի վերաբերեալ իրենց յայտարարութիւններուն»։

64-ամեայ Օսման Քաւալան թուրք գործարար է, բարերար եւ իրաւապաշտպան։ Իշխանութիւնները անոր կը մեղադրեն 2016 թուականի հեղաշրջման փորձին առնչութիւն ունենալու մէջ։