Արեւմտեան Հայաստանի Պաղեշ նահանգի Ատիլջեւազ գաւառին մէջ՝ Վանա լիճի տեսարանին դէմ հանդիման  ուրարտական ​​թագաւոր Ռուսա II-ի կողմէ կառուցուած ամրոցին մէջ շարունակուող պեղումները նպատակ ունին բացայայտելու կարեւոր գտածոներ։ Կ՛ակնկալուի, որ ծովի մակերեւոյթէն 2300 բարձրութեան վրայ գտնուող Քեֆ ամրոցին մէջ 50 տարի ետք սկսած հնագիտական ​​պեղումները լոյս կը սփռեն պատմութեան վրայ։ Ամրոցը թուագրուած է մ.թ.ա 7-րդ դարին։

Քեֆ ամրոցին մէջ, որը կառուցուած է Սիփան լեռին ստորոտին գտնուող եւ Վանա լիճին նայող բլրուի վրայ, յայտնաբերուած են սեպագիր քարեր եւ կերամիկական առարկաներ։ Այն Ռուսա Երկրորդի ամենահարուստ ժամանակաշրջանին կառուցուած ամրոցներէն մէկն է։ Նախորդ պեղումներու ժամանակ ամրոցի պալատին մէջ յայտնաբերուած էր 30 սրահ, սակայն կ՛ենթադրուի , որ եղած է առնուազն 100-ը։ Նախատեսուած է միւս սրահները պեղել եւ յայտնաբերել յաջորդ տարի։