Արեւմտեան Հայաստանի Հասանքեյֆ գաւառը յայտնուած էր ջրամբարի հատակը։

Այժմ ջուրերը նահանջած են, որու արդիւնքին ի յայտ եկած է Հռոմէական կայսրութեան պատկանող եռահարկ Սահա եկեղեցին։

Մեր նախորդ լրահոսներէն մէկի մէջ տեղեկացուցած էինք, որ Տիգրիս գետի վրայ կառուցուած Ըլըսու ամբարտակի պատճառով 199 բնակավայր, ինչպէս նաեւ՝ Արեւմտեան Հայաստանի Պաթմանի 12000-ամեայ պատմական Հասանքեյֆ գաւառը, մնացած է ջուրի տակ։

Սակայն երաշտի պատճառով ջուրերը նահանջած են, եւ յայտնուած է եկեղեցին ։ Երեք հարկանի քարայրէ բաղկացած եկեղեցիի վերի հարկը քահանաներու քնելու վայր ծառայած է, մէջտեղի հարկը՝ պաշտամունքի վայր, իսկ ստորին հարկը քահանաները հուղարկաւորուած են։ Ջուրերու նահանջելու պատճառով  դուրս եկած է  մարդկային ոսկորներ, որոնք կը պատկանին քահանաներուն: Բացի պատմական եկեղեցին, յայտնաբերուած են նաեւ բազմաթիւ քարանձաւներ եւ բնակելի տուներ։ Վերականգնողական միջոցներու բացակայութեան պատճառով պատմական եկեղեցին կիսավեր վիճակի մէջ կը գտնուի։